نہ چھوڑ و محفلِ عشرت میں جا اے میکشاں خالی

نہ چھوڑ و محفلِ عشرت میں جا اے میکشاں خالی

کمیں گاہِ بلا ہے ہو گیا شیشہ جہاں خالی

نہ دوڑا ریشہ دیوانگی صحنِ بیاباں میں

کہ تارِ جادہ سے ہے لُجۂ ریگِ رواں خالی

دکانِ ناوکِ تاثیر ہے از خود تہی ماندن

سراسر عجز ہو کر خانہ مانندِ کماں خالی

محبت ہے نوا سازِ فغاں در پردہ دل ہا

کرے ہے مغز سے مانند نے کے استخواں خالی

عبث ہے خطِ ساغر جلوہ طوقِ گردنِ قمری

مئے الفت سے ہے مینائے سروِ بوستاں خالی

نہ پھولو ریزشِ اعداد کی قطرہ فشانی پر

عزیزاں ہے بہ رنگِ صفر جامِ آسماں خالی

اسدؔ ہنستے ہیں میرے گریہ ہائے زار پر مردم

بھرا ہے دہر بے دردی سے دل کیجیے کہاں خالی

na chhor-o-mahfil-e-ishrat mein ja ai maikashan khali

kamin gah-e-bala hai ho gaya shisha jahan khali

na daura resha diwangi-e-sehn-e-bayaban mein

ke tar-e-jada se hai luja-e-reg-e-rawan khali

dukan-e-nawak-e-tasir hai az khud tahi mandin

sarasar ijz ho kar khana manind-e-kaman khali

mohabbat hai nawa saz-e-fughan dar parda dil ha

kare hai maghz se manind ne ke ustukhwan khali

abas hai khat-e-saghar jalwa tauq-e-gardan-e-qumri

mai-e-ulfat se hai mina-e-sarw-e-bostan khali

na phulo rezash-e-aadad ki qatra fishani par

azizan hai ba rang-e-sifr jam-e-asman khali

asad hanste hain mere girya ha-e-zar par mardum

bhara hai dahr be dardi se dil kijiye kahan khali