بس کہ ہے مے خانہ ویراں جوں بیابانِ خراب

بس کہ ہے مے خانہ ویراں جوں بیابانِ خراب

عکسِ چشمِ آہوئے رم خوردہ ہے داغِ شراب

تیرگیٔ ظاہری ہے طبعِ آگہ کا نشاں

غافلاں عکسِ سوادِ صفحہ ہے گردِ کتاب

یک نگاہِ صاف صد آئینۂ تاثیر ہے

ہے رگِ یاقوت عکسِ خطِ جامِ آفتاب

ہے عرق افشاں مشی سے ادہمِ مشکینِ یار

وقتِ شب اختر گنے ہے چشمِ بیدارِ رکاب

ہے شفق سوز جگر کی آگ کی بالیدگی

ہر یک اختر سے فلک پر قطرۂ اشکِ کباب

بس کہ شرمِ عارضِ رنگیں سے حیرت جلوہ ہے

ہے شکستِ رنگِ گل آئینہ پروازِ نقاب

شب کہ تھا نظارگی روئے بتاں کا اے اسدؔ

گر گیا بامِ فلک سے صبح طشتِ ماہتاب

bas ke hai mai khana wiran jun bayaban-e-kharab

aks-e-chashm-e-ahu-e-ram khurda hai dagh-e-sharab

tirgi-e-zahiri hai tab-e-agah ka nishan

ghafilan aks-e-sawad-e-safha hai gard-e-kitab

yak nigah-e-saf sad aina-e-tasir hai

hai rag-e-yaqut aks-e-khat-e-jam-e-aftab

hai araq afshan mashi se adham-e-mushkyun-e-yar

waqt-e-shab-e-akhtar gine hai chashm-e-bedar-e-rikab

hai shafaq soz-e-jigar ki ag ki balidagi

har yak akhtar se falak par qatra-e-ashk-e-kabab

bas ke sharm-e-ariz-e-rangin se hairat jalwa hai

hai shikast-e-rang-e-gul aina parwaz-e-naqab

shab ke tha nazaragi ru-e-butan ka ai asad

gir gaya bam-e-falak se subh tasht-e-mahtab