کلفتِ ربطِ این و آں غفلتِ مدعا سمجھ

کلفتِ ربطِ این و آں غفلتِ مدعا سمجھ

شوق کرے جو سرگراں محملِ خوابِ پا سمجھ

جلوہ نہیں ہے دردِ سر آئینہ صندلی نہ کر

عکس کجا و کُو نظر نقش کو مدّعا سمجھ

حیرت اگر خرام ہے کارِ نگہ تمام ہے

گر کفِ دست بام ہے آئنے کو ہوا سمجھ

ہے خطِ عجزِ ما و تُو اولِ درسِ آرزو

ہے یہ سیاقِ گفتگو کچھ نہ سمجھ فنا سمجھ

شیشہ شکست اعتبار رنگ بہ گردش استوار

گر نہ مٹیں یہ کوہسار آپ کو تو صدا سمجھ

نغمہ ہے محوِ ساز رہ نشہ ہے بے نیازِ رہ

رندِ تمام ناز رہ خلق کو پارسا سمجھ

چربیٔ پہلوئے خیال رزقِ دو عالم احتمال

کل ہے جو وعدۂ وصال آج بھی اے خدا سمجھ

نے سرو برگِ آرزو نے رہ و رسمِ گفتگو

اے دل و جانِ خلق تو ہم کو آشنا سمجھ

لغزشِ پا کو ہے بلد نغمۂ یا علی مدد

ٹوٹے گر آئینہ اسدؔ سبحہ کو خوں بہا سمجھ

kulfat-e-rabt-e-ain-o-an ghaflat-e-muddaa samajh

shauq kare jo sargiran mahmil-e-khwab-e-pa samajh

jalwa nahin hai dard-e-sar aina sandali na kar

aks kuja-o-ku nazar naqsh ko muddaa samajh

hairat agar khiram hai kar-e-nigah tamam hai

gar kaf-e-dast-e-bam hai aine ko hua samajh

hai khat-e-ijz-e-ma-o-tu awwal-e-dars-e-arzu

hai ye siyaq-e-guftugu kuchh na samajh fana samajh

shisha shikast-e-etibar rang ba gardish ustuwar

gar na miten ye kohsar ap ko to sada samajh

naghma hai mahw-e-saz rah nasha hai be niyaz-e-rah

rind-e-tamam naz rah khalq ko parsa samajh

charbi-e-pahlu-e-khayal rizq-e-do alam ehtimal

kal hai jo waada-e-wisal aj bhi ai khuda samajh

ne sarw barg-e-arzu ne rah-o-rasm-e-guftugu

ai dil-o-jan-e-khalq to ham ko ashna samajh

laghzish-e-pa ko hai balad naghma-e-ya ali madad

tute gar aina asad subha ko khun baha samajh