وہ فلک رتبہ کہ بر توسنِ چالاک چڑھا

وہ فلک رتبہ کہ بر توسنِ چالاک چڑھا

ماہ پر ہالہ صفت حلقۂ فتراک چڑھا

نشہ مے کے اتر جانے کے غم سے انگور

صورتِ اشک بہ مژگانِ رگِ تاک چڑھا

بوسہ لب سے ملی طبع کیفیتِ حال

مے کشیدن سے مجھے نشہ تریاک چڑھا

میں جو گردوں کو بہ میزانِ طبیعت تولا

تھا یہ کم وزن کہ ہم سنگِ کفِ خاک چڑھا

اے اسدؔ وا شدنِ عقدۂ غم گر چاہے

حضرتِ زلف میں جوں شانہ دلِ چاک چڑھا

wo falak rutba ke bar tosun-e-chalak charha

mah par hala sifat halqa-e-fitrak charha

nasha mai ke utar jane ke gham se angur

surat-e-ashk ba mizhgan-e-rag-e-tak charha

bosa lab se mili tab-e-kaifiyat-e-hal

mai kashidan se mujhe nasha tiryak charha

main jo gardun ku ba mizan-e-tabiat tola

tha ye kam wazn ke ham sang-e-kaf-e-khak charha

ai asad wa shadan-e-uqda-e-gham gar chahe

hazrat-e-zulf mein jun shana dil-e-chak charha