ہر رنگِ سوز پردۂ یک ساز ہے مجھے

ہر رنگِ سوز پردۂ یک ساز ہے مجھے

بال سمندر آئینۂ ناز ہے مجھے

طاؤسِ خاک حسنِ نظر باز ہے مجھے

ہر ذرہ چشمکِ نگہِ ناز ہے مجھے

آغوشِ گل ہے آئینۂ ذرّہ ذرّہ خاک

عرضِ بہار جوہرِ پرداز ہے مجھے

ہے بوئے گل غریبِ تسلی گہِ وطن

ہر جزوِ آشیاں پرِ پرواز ہے مجھے

ہے جلوۂ خیال سویدائے مردمک

جوں داغ شعلہ سر خطِ آغاز ہے مجھے

وحشت بہارِ نشّہ و گل ساغرِ شراب

چشمِ پری شفق کدۂ راز ہے مجھے

فکرِ سخن بہانۂ پردازِ خامشی

دودِ چراغ سرمۂ آواز ہے مجھے

ہے خامہ فیضِ بیعتِ بیدل بہ کف اسدؔ

یک نیستاں قلمروِ اعجاز ہے مجھے

har rang-e-soz parda-e-yak saz hai mujhe

bal-e-samundar aina-e-naz hai mujhe

taus-e-khak husn-e-nazar baz hai mujhe

har zarra chashmak-e-nigah-e-naz hai mujhe

aghosh-e-gul hai aina-e-zarra zarra khak

arz-e-bahar jauhar-e-pardaz hai mujhe

hai bu-e-gul gharib-e-tasalli gah-e-watan

har juzw-e-ashiyan par-e-parwaz hai mujhe

hai jalwa-e-khayal suwaida-e-mardumak

jun dagh-e-shola sar khat-e-aghaz hai mujhe

wahshat bahar-e-nasha-o-gul saghar-e-sharab

chashm-e-pari shafaq kada-e-raz hai mujhe

fikr-e-sukhan bahana-e-pardaz-e-khamushi

dud-e-charagh surma-e-awaz hai mujhe

hai khama faiz-e-baiat-e-bedil ba kaf asad

yak nayastan qalamrau-e-ejaz hai mujhe