آنکھوں میں انتظار سے جاں پر شتاب ہے

آنکھوں میں انتظار سے جاں پر شتاب ہے

آتا ہے آ وگرنہ یہ پا در رکاب ہے

حیراں ہوں دامنِ مژہ کیوں جھاڑتا نہیں

خط صفحۂ عذار پہ گردِ کتاب ہے

جوں نخلِ ماتم ابر سے مطلب نہیں مجھے

رنگِ سیاہِ نیل غبارِ سحاب ہے

ممکن نہیں کہ ہو دلِ خوباں میں کارگر

تاثیر جستن اشک سے نقش بر آب ہے

ظاہر ہے طرزِ قید سے صیاد کی غرض

جو دانہ دام میں ہے سو اشکِ کباب ہے

بے چشمِ دل نہ کر ہوسِ سیرِ لالہ زار

یعنی یہ ہر ورق ورقِ انتخاب ہے

دیکھ اے اسدؔ بہ دیدہ باطن کہ ظاہرا

ہر ایک ذرہ غیرتِ صد آفتاب ہے

ankhon mein intizar se jan par shitab hai

ata hai a wagarna ye pa dar rikab hai

hairan hun daman-e-mizha kyun jharta nahin

khat safha-e-izar pe gard-e-kitab hai

jun nakhl-e-matam abr se matlab nahin mujhe

rang-e-siyah-e-nil ghubar-e-sahab hai

mumkin nahin ke ho dil-e-khuban mein kargar

tasir jistan ashk se naqsh-e-bar ab hai

zahir hai tarz-e-qaid se sayyad ki gharaz

jo dana dam mein hai so ashk-e-kabab hai

be chashm-e-dil na kar hawas-e-sair-e-lala zar

yaani ye har waraq waraq-e-intikhab hai

dekh ai asad ba dida batin ke zahiran

har ek zarra ghairat-e-sad aftab hai