سیر آں سوئے تماشا ہے طلب گاروں کا

سیر آں سوئے تماشا ہے طلب گاروں کا

خضر مشتاق ہے اس دشت کے آواروں کا

سر خطِ بند ہوا نامہ گنہ گاروں کا

خونِ ہدہد سے لکھا نقش گرفتاروں کا

فردِ آئینہ میں بخشیں شکنِ خندۂ گل

دلِ آزردہ پسند آئینہ رخساروں کا

داد خواہِ تپش و مہرِ خموشی بر لب

کاغذِ سرمہ ہے جامہ ترے بیماروں کا

وحشتِ نالہ بہ واماندگیٔ وحشت ہے

جرَسِ قافلہ یاں دل ہے گراں باروں کا

پھر وہ سوئے چمن آتا ہے خدا خیر کرے

رنگ اڑتا ہے گُلِستاں کے ہوا داروں کا

جلوہ مایوس نہیں دل نگرانی غافل

چشمِ امید ہے روزن تری دیواروں کا

اسدؔ اے ہرزہ درا نالہ بہ غوغا تا چند

حوصلہ تنگ نہ کر بے سبب آزاروں کا

sair an su-e-tamasha hai talab garon ka

khizr mushtaq hai is dasht ke awaron ka

sar khat-e-band hua nama gunah garon ka

khun-e-hudhud se likha naqsh giraftaron ka

fard-e-aina mein bakhshen shikan-e-khanda-e-gul

dil-e-azurda pasand aina rukhsaron ka

dad khwah-e-tapish-o-mehr-e-khamoshi bar lab

kaghaz-e-surma hai jama tire bimaron ka

wahshat-e-nala ba wamandagi-e-wahshat hai

jaras-e-qafila yan dil hai giran baron ka

phir wo su-e-chaman ata hai khuda khair kare

rang urta hai gulistan ke hua daron ka

jalwa mayus nahin dil nigrani ghafil

chashm-e-ummid hai rauzan tiri diwaron ka

asad ai harza dara nala ba ghaugha ta chand

hausla tang na kar be sabab azaron ka