سکوت و خامشی اظہارِ حالِ بے زبانی ہے

سکوت و خامشی اظہارِ حالِ بے زبانی ہے

کمینِ درد میں پوشیدہ رازِ شادمانی ہے

عیاں ہیں حال و قالِ شیخ سے اندازِ دلچسپی

مگر رندِ قَدَح کش کا ابھی دورِ جوانی ہے

ثباتِ چند روزہ کار فرمائے غم و حسرت

اجل سرمایہ دارِ دورِ عیش و کامرانی ہے

گدازِ داغِ دلِ شمعِ بساطِ خانہ ویرانی

تپش گاہِ محبت میں فروغ جاودانی ہے

وفورِ خود نمائی رہنِ ذوقِ جلوہ آرائی

بہ وہم کامرانی جذبِ دل کی شادمانی ہے

دلِ حرماں لقب کی داد دے اے چرخِ بے پروا

بہ غارت دادۂ رخت و متاعِ کامرانی ہے

sukut-o-khamushi izhar-e-hal-e-be zabani hai

kamin-e-dard mein poshida raz-e-shadmani hai

ayan hain hal-o-qal-e-shaikh se andaz-e-dilchaspi

magar rind-e-qadah kash ka abhi daur-e-jawani hai

sabat-e-chand roza kar farmae gham-o-hasrat

ajal sarmaya dar-e-daur-e-aish-o-kamrani hai

gudaz-e-dagh-e-dil-e-sham-e-bisat-e-khana wirani

tapish gah-e-mohabbat mein farogh-e-jawidani hai

wafur-e-khud numai rahan-e-zauq-e-jalwa arai

ba wahm-e-kamrani jazb-e-dil ki shadmani hai

dil-e-hirman laqab ki dad de ai charkh-e-be parwa

ba gharat dada-e-rakht-o-mata-e-kamrani hai