تمام اجزائے عالم صیدِ دامِ چشمِ گریاں ہے

تمام اجزائے عالم صیدِ دامِ چشمِ گریاں ہے

طلسمِ شش جہت یک حلقہ گردابِ طوفاں ہے

نہیں ہے مردنِ صاحب دلاں جز کسبِ جمیعت

سویدا میں نفس مانندِ خط نقطے میں پنہاں ہے

غبارِ دشتِ وحشت سرمہ سازِ انتظار آیا

کہ چشمِ آبلہ میں طولِ میلِ راہ مژگاں ہے

ز بس دوشِ رمِ آہو پہ ہے محمل تمنا کا

جنونِ قیس سے بھی شوخیٔ لیلیٰ نمایاں ہے

نقابِ یار ہے غفلت نگاہی اہلِ بینش کی

مژہ پوشیدنی ہا پردہ تصویر عریاں ہے

اسد بندِ قبائے یار ہے فردوس کا غنچہ

اگر وا ہو تو دکھلا دوں کہ یک عالم گلستاں ہے

tamam ajza-e-alam said-e-dam-e-chashm-e-giryan hai

tilism-e-shash jihat yak halqa girdab-e-tufan hai

nahin hai murdan-e-sahab dalan juz kasb-e-jamet

suwaida mein nafas manind-e-khat nuqte mein pinhan hai

ghubar-e-dasht-e-wahshat surma saz-e-intizar aya

ke chashm-e-abla mein tul-e-mel-e-rah mizhgan hai

ze bas dosh-e-ram-e-ahu pe hai mahmil tamanna ka

junun-e-qais se bhi shokhi-e-laila numayan hai

naqab-e-yar hai ghaflat nigahi ahl-e-benash ki

mizha poshidani ha parda taswir uryan hai

asad band-e-qaba-e-yar hai firdaus ka ghuncha

agar wa ho to dikhla dun ke yak alam gulistan hai