یاد ہے شادی میں بھی ہنگامۂ یا رب مجھے

یاد ہے شادی میں بھی ہنگامۂ یا رب مجھے

سُبحۂ زاہد ہوا ہے خندہ زیرِ لب مجھے

ہے کُشادِ خاطرِ وابستہ دَر رہنِ سخن

تھا طلسمِ قُفلِ ابجد خانۂ مکتب مجھے

یا رب اِس آشفتگی کی داد کس سے چاہیے

رشک آسائش پہ ہے زندانیوں کی اب مجھے

طبع ہے مشتاقِ لذت ہائے حسرت کیا کروں

آرزو سے ہے شکستِ آرزو مطلب مجھے

صبح نا پیدا ہے کلفت خانۂ ادبار میں

توڑنا ہوتا ہے رنگِ یک نفس ہر شب مجھے

شومیٔ طالع سے ہوں ذوقِ معاصی میں اسیر

نامۂ اعمال ہے تاریکیٔ کوکب مجھے

درد نا پیدا و بے جا تہمتِ وارستگی

پردہ دارِ یاوگی ہے وسعتِ مشرب مجھے

دل لگا کر آپ بھی غالبؔ مُجھی سے ہو گئے

عشق سے آتے تھے مانِع میرزا صاحب مجھے

yad hai shadi mein bhi hangama-e-ya rab mujhe

subha-e-zahid hua hai khanda zer-e-lab mujhe

hai kushad-e-khatir-e-wabasta dar rahan-e-sukhan

tha tilism-e-qufl-e-abjad khana-e-maktab mujhe

ya rab is ashuftagi ki dad kis se chahiye

rashk-e-asaish pe hai zindaniyon ki ab mujhe

taba hai mushtaq-e-lazzat ha-e-hasrat kya karun

arzu se hai shikast-e-arzu matlab mujhe

subh na paida hai kulfat khana-e-idbar mein

torna hota hai rang-e-yak nafas har shab mujhe

shumi-e-tale se hun zauq-e-maasi mein asir

nama-e-aamal hai tariki-e-kaukab mujhe

dard na paida-o-be ja tohmat-e-warastagi

parda dar-e-yawagi hai wusat-e-mashrab mujhe

dil laga kar ap bhi ghalib mujhi se ho gae

ishq se ate the mane mirza-e-sahab mujhe