دعویٰٔ عشقِ بتاں سے بہ گلستاں گل و صبح

دعویٰٔ عشقِ بتاں سے بہ گلستاں گل و صبح

ہیں رقیبانہ بہم دست و گریباں گل و صبح

ساقِ گل رنگ سے اور آئینۂ زانو سے

جامہ زیبوں کے سدا ہیں تہِ داماں گل و صبح

وصل آئینۂ رخاں ہم نفسِ یک دیگر

ہیں دعا ہائے سحر گاہ سے خواہاں گل و صبح

آئینہ خانہ ہے صحنِ چمنستاں تجھ سے

بس کہ ہیں بے خود و وارفتہ و حیران گل و صبح

زندگانی نہیں بیش از نفسِ چند اسدؔ

غفلت آرامیٔ یاراں پہ ہیں خنداں گل و صبح

daawa-e-ishq-e-butan se ba gulistan gul-o-subh

hain raqibana baham dast-o-gareban gul-o-subh

saq-e-gul rang se aur aina-e-zanu se

jama zebon ke sada hain tah-e-daman gul-o-subh

wasl aina-e-rukhan ham nafas-e-yak digar

hain dua ha-e-sahar gah se khwahan gul-o-subh

aina khana hai sehn-e-chamanistan tujh se

bas ke hain be khud-o-warafta-o-hairan gul-o-subh

zindagani nahin besh az nafas-e-chand asad

ghaflat arami-e-yaran pe hain khandan gul-o-subh