بس کہ وہ پا کوبیاں در پردۂ وحشت ہیں یاد

بس کہ وہ پا کوبیاں در پردۂ وحشت ہیں یاد

ہے غلافِ دفچۂ خورشید ہر یک گرد باد

طرفہ موزونی ہے صرفِ جنگجوئی ہائے یار

ہے سرِ مصراعِ صافِ تیغ خنجر مستزاد

ہاتھ آیا زخمِ تیغِ یار سا پہلو نشیں

کیوں نہ ہو وے آج کے دن بے کسی کی روح شاد

کیجے آہوئے ختن کو خضرِ صحرائے طلب

مشک ہے سنبلستانِ زلف ہیں گردِ سواد

ہم نے سو زخمِ جگر پر بھی زباں پیدا نہ کی

گل ہوا ہے ایک زخمِ سینہ پر خواہانِ داد

بس کہ ہیں در پردہ مصروفِ سیہ کاری تمام

آستر ہے خرقۂ زہاد کا صوفِ مداد

تیغ در کف کف بہ لب آتا ہے قاتل اس طرف

مژدہ باد اے آرزوئے مرگِ غالبؔ مژدہ باد

bas ke wo pa kobiyan dar parda-e-wahshat hain yad

hai ghilaf-e-dafcha-e-khurshid har yak gard-e-bad

turfa mauzuni hai sirf-e-jangjui hae yar

hai sar-e-masra-e-saf-e-tegh khanjar mustazad

hath aya zakhm-e-tegh-e-yar sa pahlu nashin

kyun na ho we aj ke din be kisi ki ruh shad

kije ahu-e-khutan ko khizr-e-sahra-e-talab

mushk hai sumbulsitan-e-zulf hain gard-e-sawad

ham ne so zakhm-e-jigar par bhi zaban paida na ki

gul hua hai ek zakhm-e-sina par khwahan-e-dad

bas ke hain dar parda masruf-e-siyah kari tamam

astar hai khirqa-e-zohhad ka sof-e-madad

tegh dar kaf kaf ba lab ata hai qatil is taraf

muzhda bad ai arzu-e-marg-e-ghalib muzhda bad