وحشی بن صیاد نے ہم رم خوردوں کو کیا رام کیا

وحشی بن صیاد نے ہم رم خوردوں کو کیا رام کیا

رشتۂ چاکِ جیبِ دریدہ صرفِ قماشِ دام کیا

عکسِ رخِ افروختہ تھا تصویر بہ پشتِ آئینہ

شوخ نے وقتِ حُسن طرازی تمکیں سے آرام کیا

ساقی نے از بہرِ گریباں چاکیٔ موجِ بادۂ ناب

تارِ نگاہِ سوزنِ مینا رشتۂ خطِ جام کیا

مہر بجائے نامہ لگائی بر لبِ پیکِ نامہ رساں

قاتلِ تمکیں سنج نے یوں خاموشی کا پیغام کیا

شامِ فراقِ یار میں جوشِ خیرہ سری سے ہم نے اسدؔ

ماہ کو در تسبیحِ کواکب جائے نشینِ امام کیا

wahshi ban sayyad ne ham ram khurdon ko kya ram kiya

rishta-e-chak-e-jeb-e-darida sirf-e-qumash-e-dam kiya

aks-e-rukh-e-afrokhta tha taswir ba pusht-e-aina

shokh ne waqt-e-husn tarazi tamkin se aram kiya

saqi ne az bahr-e-gareban chaki-e-mauj-e-bada-e-nab

tar-e-nigah-e-sozan-e-mina rishta-e-khat-e-jam kiya

mehr bajae nama lagai bar lab-e-pik-e-nama rasan

qatil-e-tamkin sanj ne yun khamoshi ka paigham kiya

sham-e-firaq-e-yar mein josh-e-khira siri se ham ne asad

mah ko dar tasbih-e-kawakib jae nashin-e-imam kiya