منقار سے رکھتا ہوں بہم چاکِ قفس کو

منقار سے رکھتا ہوں بہم چاکِ قفس کو

تا گل ز جگر زخم میں ہے راہِ نفس کو

بے باک ہوں از بس کہ بہ بازارِ محبت

سمجھا ہوں زرہ جوہرِ شمشیرِ عسس کو

رہنے دو گرفتار بہ زندانِ خموشی

چھیڑو نہ مجھ افسردہ دزدیدہ نفس کو

پیدا ہوئے ہیں ہم الم آبادِ جہاں میں

فرسودنِ پائے طلب و دستِ ہوس کو

نالاں ہو اسدؔ تو بھی سرِ راہ گزر پر

کہتے ہیں کہ تاثیر ہے فریادِ جرس کو

minqar se rakhta hun baham chak-e-qafas ko

ta gul ze jigar zakhm mein hai rah-e-nafas ko

be bak hun az bas ke ba bazar-e-mohabbat

samjha hun zira jauhar-e-shamshir-e-asas ko

rahne do giraftar ba zindan-e-khamoshi

chhero na mujh afsurda duzdida nafas ko

paida hue hain ham alam abad-e-jahan mein

farasodin-e-pae talab-o-dast-e-hawas ko

nalan ho asad tu bhi sar-e-rah guzar par

kahte hain ke tasir hai fariyad-e-jaras ko