خوں در جگر نہفتہ بہ زردی رسیدہ ہوں

خوں در جگر نہفتہ بہ زردی رسیدہ ہوں

خود آشیانِ طائرِ رنگِ پریدہ ہوں

ہے دستِ رد بہ سیرِ جہاں بستنِ نظر

پائے ہوس بہ دامنِ مژگاں کشیدہ ہوں

میں چشم وا کشادہ و گلشن نظر فریب

لیکن عبث کہ شبنمِ خرشید دیدہ ہوں

تسلیم سے یہ نالۂ موزوں ہوا حصول

اے بے خبر میں نغمۂ چنگِ خمیدہ ہوں

پیدا نہیں ہے اصلِ تگ و تازِ جستجو

مانندِ موجِ آب زبانِ بریدہ ہوں

سر پر مرے وبالِ ہزار آرزو رہا

یا رب میں کس غریب کا بختِ رمیدہ ہوں

میں بے ہنر کہ جوہرِ آئینہ تھا عبث

پائے نگاہِ خلق میں خارِ خلیدہ ہوں

میرا نیاز و عجز ہے مفتِ بتاں اسدؔ

یعنی کہ بندۂ بہ درم نا خریدہ ہوں

khun dar jigar nihufta ba zardi rasida hun

khud ashiin-e-tair-e-rang-e-parida hun

hai dast-e-rad ba sair-e-jahan bastan-e-nazar

pae hawas ba daman-e-mizhgan kashida hun

main chashm-e-wa kushada-o-gulshan nazar fareb

lekin abas ke shabnam-e-khurshid dida hun

taslim se ye nala-e-mauzun hua husul

ai be khabar mein naghma-e-chang-e-khamida hun

paida nahin hai asl-e-tag-o-taz-e-justuju

manind-e-mauj-e-ab zaban-e-burida hun

sar par mire wabal-e-hazar arzu raha

ya rab mein kis gharib ka bakht-e-ramida hun

main be hunar ke jauhar-e-aina tha abas

pae nigah-e-khalq mein khar-e-khalida hun

mera niyaz-o-ijz hai muft-e-butan asad

yaani ke banda-e-ba diram na kharida hun