بے درد سر بہ سجدۂ الفت فرو نہ ہو

بے درد سر بہ سجدۂ الفت فرو نہ ہو

جوں شمع غوطہ داغ میں کھا گر وضو نہ ہو

دل دے کفِ تغافلِ ابروئے یار میں

آئینہ ایسے طاق پہ گم کر کہ تو نہ ہو

زلفِ خیال نازک و اظہار بے قرار

یا رب بیان شانہ کشِ گفتگو نہ ہو

تمثالِ ناز جلوۂ نیرنگِ اعتبار

ہستی عدم ہے آئینہ گر روبرو نہ ہو

مژگاں خلیدۂ رگِ ابرِ بہار ہے

نشتر بہ مغز پنبۂ مینا فرو نہ ہو

عرضِ نشاطِ دید ہے مژگانِ انتظار

یا رب کہ خارِ پیرہنِ آرزو نہ ہو

واں پر فشانِ دامِ نظر ہوں جہاں اسدؔ

صبحِ بہار بھی قفسِ رنگ و بو نہ ہو

be dard-e-sar ba sajda-e-ulfat faro na ho

jun shama ghauta dagh mein kha gar wuzu na ho

dil de kaf-e-taghaful-e-abru-e-yar mein

aina aise taq pe gum kar ke tu na ho

zulf-e-khayal nazuk-o-izhar-e-be qarar

ya rab bayan shana kash-e-guftugu na ho

timsal-e-naz-e-jalwa-e-nairang-e-etibar

hasti adam hai aina gar rubaru na ho

mizhgan khalida-e-rag-e-abr-e-bahar hai

nashtar ba maghz pumba-e-mina faro na ho

arz-e-nishat-e-did hai mizhgan-e-intizar

ya rab ke khar-e-pairahan-e-arzu na ho

wan par fishan-e-dam-e-nazar hun jahan asad

subh-e-bahar bhi qafas-e-rang-o-bu na ho