دشتِ الفت میں ہے خاکِ کشتگاں محبوس و بس

دشتِ الفت میں ہے خاکِ کشتگاں محبوس و بس

پیچ و تابِ جادہ ہے خطِ کفِ افسوس و بس

نیم رنگی ہائے شمع محفلِ خوباں سے ہے

پیچکِ مہ صرفِ چاکِ پردۂ فانوس و بس

ہے تصور میں نہاں سرمایۂ صد گلستاں

کاسۂ زانو ہے مجھ کو بیضۂ طاؤس و بس

کفر ہے غیر از وفورِ شوق رہبر ڈھونڈھتا

راہِ صحرائے حرم میں ہے جرس ناقوس و بس

یک جہاں گل تختۂ مشق شگفتن ہے اسدؔ

غنچۂ خاطر رہا افسردگی مانوس و بس

dasht-e-ulfat mein hai khak-e-kushtgan mahbus-o-bas

pech-o-tab-e-jada hai khat-e-kaf-e-afsos-o-bas

nim rangi hae sham-e-mahfil-e-khuban se hai

pechak-e-mah sirf-e-chak-e-parda-e-fanus-o-bas

hai tasawwur mein nihan sarmaya-e-sad gulsitan

kasa-e-zanu hai mujh ko baiza-e-taus-o-bas

kufr hai ghair az wafur-e-shauq rahbar dhundhta

rah-e-sahra-e-haram mein hai jaras naqus-o-bas

yak jahan gul takhta-e-mashq-e-shagfatan hai asad

ghuncha-e-khatir raha afsurdagi manus-o-bas