اشکِ چکیدہ رنگِ پریدہ

اشکِ چکیدہ رنگِ پریدہ

ہر طرح ہوں میں از خود رمیدہ

گو یاد مجھ کو کرتے ہیں خوباں

لیکن بسانِ دردِ کشیدہ

ہے رشتہ جاں فرطِ کشش سے

مانندِ نبضِ دستِ بریدہ

ٹوٹا ہے افسوس موئے خمِ زلف

ہے شانہ یکسر دستِ گزیدہ

خالِ سیاہ رنگیں رخاں سے

ہے داغِ لالہ در خوں تپیدہ

جوشِ جنوں سے جوں کسوتِ گل

سر تا بہ پا ہوں جیبِ دریدہ

یارو اسدؔ کا نام و نشان کیا

بیدل فقیرِ آفت رسیدہ

ashk-e-chukida rang-e-parida

har tarah hun main az khud ramida

go yad mujh ko karte hain khuban

lekin basan-e-dard-e-kashida

hai rishta jan fart-e-kashish se

manind-e-nabz-e-dast-e-burida

tuta hai afsos mu-e-kham-e-zulf

hai shana yaksar dast-e-gazida

khal-e-siyah-e-rangin rukhan se

hai dagh-e-lala dar khun tapida

josh-e-junun se jun kiswat-e-gul

sar ta ba pa hun jeb-e-darida

yaro asad ka nam-o-nishan kya

bedil faqir-e-afat rasida