بدتر از ویرانہ ہے فصلِ خزاں میں صحنِ باغ

بدتر از ویرانہ ہے فصلِ خزاں میں صحنِ باغ

خانۂ بلبل بغیر از خندۂ گل بے چراغ

پتّا پتّا اب چمن کا انقلاب آلودہ ہے

نغمۂ مرغِ چمن زا ہے صدائے بوم و زاغ

ہاں بغیر از خوابِ مرگ آسودگی ممکن نہیں

رختِ ہستی باندھ تا حاصل ہو دنیائے فراغ

شورِ طوفانِ بلا ہے خندۂ بے اختیار

کیا ہے گل کی بے زبانی کیا ہے یہ لالے کا داغ

چشمِ پُر نم رہ زمانہ منقلِب ہے اے اسدؔ

اب یہی ہے بس مے شادی سے پُر ہونا ایاغ

badtar az wirana hai fasl-e-khizan mein sehn-e-bagh

khana-e-bulbul baghair az khanda-e-gul be charagh

patta patta ab chaman ka inqilab aluda hai

naghma-e-murgh-e-chaman za hai sada-e-bum-o-zagh

han baghair az khwab-e-marg asudgi mumkin nahin

rakht-e-hasti bandh ta hasil ho duniya-e-faragh

shor-e-tufan-e-bala hai khanda-e-be ikhtiyar

kya hai gul ki be zabani kya hai ye lale ka dagh

chashm-e-pur nam rah zamana munqalib hai ai asad

ab yahi hai bas mai shadi se pur hona ayagh