شبِ اختر قدحِ عیش نے محمل باندھا

شبِ اختر قدحِ عیش نے محمل باندھا

باریک قافلۂ آبلہ منزل باندھا

سبحہ واماندگیٔ شوق و تماشا منظور

جادے پر زیورِ صد آئینہ منزل باندھا

ضبطِ گریہ گُہرِ آبلہ لایا آخر

پائے صد موج بہ طوفان کدۂ دل باندھا

حیف اے ننگِ تمنا کہ پے عرضِ حیا

یک عرق آئینہ بر جبۂ سائل باندھا

حسن آشفتگیٔ جلوہ ہے عرضِ اعجاز

دستِ موسیٰ بہ سرِ دعویٔ باطل باندھا

تپشِ آئینہ پروازِ تمنا لائی

نامۂ شوق بہ بالِ پرِ بسمل باندھا

دیدہ تا دل ہے یک آئینہ چراغاں کس نے

خلوتِ ناز پہ پیرایۂ محفل باندھا

نا اُمیدی نے بہ تقریبِ مضامینِ خمار

کوچۂ موج کو خمیازۂ ساحل باندھا

مطربِ دل نے مرے تارِ نفس سے غالبؔ

ساز پر رشتہ پے نغمۂ بیدل باندھا

shab-e-akhtar qadah-e-aish ne mahmil bandha

barik qafila-e-abla manzil bandha

subha wamandagi-e-shauq-o-tamasha manzur

jade par zewar-e-sad aina manzil bandha

zabt-e-girya guhar-e-abla laya akhir

pae sad mauj ba tufan kada-e-dil bandha

haif ai nang-e-tamanna ke pe arz-e-haya

yak araq aina bar jubba-e-sail bandha

husn ashuftagi-e-jalwa hai arz-e-ejaz

dast-e-musa ba sar-e-daawa-e-batil bandha

tapish-e-aina parwaz-e-tamanna lai

nama-e-shauq ba bal-e-pur-e-bismil bandha

dida ta dil hai yak aina charaghan kis ne

khalwat-e-naz pe pairaya-e-mahfil bandha

na ummidi ne ba taqrib-e-mazamin-e-khumar

kucha-e-mauj ko khamyaza-e-sahil bandha

mutrib-e-dil ne mire tar-e-nafas se ghalib

saz par rishta pe naghma-e-bedil bandha