بس کہ مائل ہے وہ رشکِ ماہتاب آئینے پر

بس کہ مائل ہے وہ رشکِ ماہتاب آئینے پر

ہے نفس تارِ شعاعِ آفتاب آئینے پر

بازگشتِ جادہ پیمائے رہِ حیرت کہاں

غافلاں غش جان کر چھڑکے ہیں آب آئینے پر

بدگماں کرتی ہے عاشق کو خود آرائی تری

بے دلوں کو ہے براتِ اضطراب آئینے پر

نازِ خود بینی کے باعث مجرم صد بے گناہ

جوہرِ شمشیر کو ہے پیچ و تاب آئینے پر

ناتوانی نے نہ چھوڑا بس کہ بیش از عکسِ جسم

مفت وا گستردنی ہے فرشِ خواب آئینے پر

مدعی میرے صفائے دل سے ہوتا ہے خجل

ہے تماشا زشت رویوں کا عتاب آئینے پر

سد اسکندر بنے بہرِ نگاہ گل رخاں

گر کرے یوں امر نہی بو تراب آئینے پر

دل کو توڑا جوشِ بے تابی سے غالبؔ کیا کیا

رکھ دیا پہلو بہ وقتِ اضطراب آئینے پر

bas ke mail hai wo rashk-e-mahtab aine par

hai nafas tar-e-shua-e-aftab aine par

bazgasht-e-jada paima-e-rah-e-hairat kahan

ghafilan ghash jan kar chhirke hain ab aine par

badguman karti hai ashiq ko khud arai tiri

be dilon ko hai barat-e-iztirab aine par

naz-e-khud bini ke bais mujrim-e-sad be gunah

jauhar-e-shamshir ko hai pech-o-tab aine par

natawani ne na chhora bas ke besh az aks-e-jism

muft wa gustardini hai farsh-e-khwab aine par

muddai mere safa-e-dil se hota hai khajil

hai tamasha zisht rawiyon ka itab aine par

sadd-e-iskandar bane bahr-e-nigah-e-gul rukhan

gar kare yun amar nahi bu turab aine par

dil ko tora josh-e-be tabi se ghalib kya kiya

rakh diya pahlu ba waqt-e-iztirab aine par