چار سوئے عشق میں صاحب دکانی مفت ہے

چار سوئے عشق میں صاحب دکانی مفت ہے

نقد ہے داغِ دل اور آتش زبانی مفت ہے

زخمِ دل پر باندھیے حلوائے مغزِ استخواں

تن درستی فائدہ اور ناتوانی مفت ہے

نقدِ انجم تا بکے از کیسہ بیروں ریختن

یعنی اے پیرِ فلک شامِ جوانی مفت ہے

گر نہیں پاتا درونِ خانہ ہر بیگانہ جا

بر درِ نکشودۂ دل پاسبانی مفت ہے

چوں کہ بالائے ہوس پر ہر قبا کوتاہ ہے

بر ہوس ہائے جہاں دامن فشانی مفت ہے

یک نفس ہر یک نفس جاتا ہے قسطِ عمر میں

حیف ہے اُن کو جو سمجھیں زندگانی مفت ہے

مال و جاہ دست و پا بے زر خریدہ ہیں اسدؔ

پس بہ دل ہائے دگر راحت رسانی مفت ہے

char su-e-ishq mein sahab dukani muft hai

naqd hai dagh-e-dil aur atish zabani muft hai

zakhm-e-dil par bandhiye halwa-e-maghz-e-ustukhwan

tan durusti faida aur natawani muft hai

naqd-e-anjum ta bike az kisa berun rikhutan

yaani ai pir-e-falak sham-e-jawani muft hai

gar nahin pata darun-e-khana har begana ja

bar dar-e-nakshoda-e-dil pasbani muft hai

chun ke bala-e-hawas par har qaba kotah hai

bar hawas ha-e-jahan daman fishani muft hai

yak nafas har yak nafas jata hai qist-e-umr mein

haif hai un ko jo samjhen zindagani muft hai

mal-o-jah-e-dast-o-pa be zar kharida hain asad

pas ba dil hae digar rahat rusani muft hai