مستی بہ ذوقِ غفلتِ ساقی ہلاک ہے

مستی بہ ذوقِ غفلتِ ساقی ہلاک ہے

موجِ شراب یک مژۂ خواب ناک ہے

جُز زخمِ تیغِ ناز نہیں دل میں آرزو

جیبِ خیال بھی ترے ہاتھوں سے چاک ہے

کلفت طلسمِ جلوۂ کیفیّتِ دگر

زنگار خوردہ آئینہ یک برگِ تاک ہے

ہے عرضِ جوہرِ خط و خالِ ہزار عکس

لیکن ہنوز دامنِ آئینہ پاک ہے

ہوں خلوتِ فسردگیٔ انتظار میں

وہ بے دماغ جس کو ہوس بھی تپاک ہے

جوشِ جنوں سے کچھ نظر آتا نہیں اسدؔ

صحرا ہماری آنکھ میں یک مشتِ خاک ہے

masti ba zauq-e-ghaflat-e-saqi halak hai

mauj-e-sharab yak mizha-e-khwab nak hai

juz zakhm-e-tegh-e-naz nahin dil mein arzu

jeb-e-khayal bhi tire hathon se chak hai

kulfat tilism-e-jalwa-e-kaifiyat-e-digar

zangar khurda aina yak barg-e-tak hai

hai arz-e-jauhar-e-khat-o-khal-e-hazar aks

lekin hanoz daman-e-aina pak hai

hun khalwat-e-fasurdagi-e-intizar mein

wo be dimagh jis ko hawas bhi tapak hai

josh-e-junun se kuchh nazar ata nahin asad

sahra hamari ankh mein yak musht-e-khak hai