نشۂ مے بے چمن دودِ چراغِ کشتہ ہے

نشۂ مے بے چمن دودِ چراغِ کشتہ ہے

جام داغِ شعلہ اندودِ چراغِ کشتہ ہے

رحم کر ظالم کہ کیا بودِ چراغِ کشتہ ہے

نبضِ بیمارِ وفا دودِ چراغِ کشتہ ہے

دل لگی کی آرزو بے چین رکھتی ہے ہمیں

ورنہ یاں بے رونقی سودِ چراغِ کشتہ ہے

داغِ ربطِ ہم ہیں اہلِ باغ گر گُل ہو شہید

لالہ چشمِ حسرت آلودِ چراغِ کشتہ ہے

شور ہے کس بزم کی عرضِ جراحت خانہ کا

صبح یک زخمِ نمک سودِ چراغِ کشتہ ہے

نامرادِ جلوہ ہر عالم میں حسرت گُل کرے

لالہ داغِ شعلہ فرسودِ چراغِ کشتہ ہے

ہو جہاں تیرا دماغِ ناز مستِ بے خودی

خوابِ نازِ گل رخاں دودِ چراغِ کشتہ ہے

ہے دلِ افسردہ داغِ شوخیٔ مطلب اسدؔ

شعلہ آخر فالِ مقصودِ چراغِ کشتہ ہے

nasha-e-mai be chaman dud-e-charagh-e-kushta hai

jam dagh-e-shola andud-e-charagh-e-kushta hai

rahm kar zalim ke kya bud-e-charagh-e-kushta hai

nabz-e-bimar-e-wafa dud-e-charagh-e-kushta hai

dil lagi ki arzu be chain rakhti hai hamen

warna yan be raunaqi sud-e-charagh-e-kushta hai

dagh-e-rabt-e-ham hain ahl-e-bagh gar gul ho shahid

lala chashm-e-hasrat alud-e-charagh-e-kushta hai

shor hai kis bazm ki arz-e-jarahat khana ka

subh yak zakhm-e-namak sud-e-charagh-e-kushta hai

namurad-e-jalwa har alam mein hasrat gul kare

lala dagh-e-shola farsud-e-charagh-e-kushta hai

ho jahan tera dimagh-e-naz mast-e-be khudi

khwab-e-naz-e-gul rukhan dud-e-charagh-e-kushta hai

hai dil-e-afsurda dagh-e-shokhi-e-matlab asad

shola akhir fal-e-maqsud-e-charagh-e-kushta hai