بہ غفلت عطرِ گل ہم آگہی مخمور مَلتے ہیں

بہ غفلت عطرِ گل ہم آگہی مخمور مَلتے ہیں

چراغانِ تماشا چشمِ صد ناسور مَلتے ہیں

رہا کس جرم سے میں بے قرارِ داغِ ہم طرحی

سمندر کو پرِ پروانہ سے کافور مَلتے ہیں

چمن نا محرمِ آگاہیٔ دیدارِ خوباں ہے

سحر گل ہائے نرگس چند چشمِ کور مَلتے ہیں

کجا جوہر چہ عکسِ خط بتاں وقتِ خود آرائی

دلِ آئینہ زیرِ پائے خیلِ مور مَلتے ہیں

تماشائے بہار آئینۂ پردازِ تسلی ہے

کفِ گل برگ سے پائے دلِ رنجور مَلتے ہیں

گراں جانی سبک سار و تماشا بے دماغ آیا

کفِ افسوسِ فرصت سنگِ کوہِ طور مَلتے ہیں

اسدؔ حیرت کشِ یک داغِ مشک اندودہ ہے یا رب

لباسِ شمع پر عطرِ شبِ دیجور مَلتے ہیں

ba ghaflat itr-e-gul ham agahi makhmur malte hain

charaghan-e-tamasha chashm-e-sad nasur malte hain

raha kis jurm se main be qarar-e-dagh-e-ham tarahi

samundar ko par-e-parwana se kafur malte hain

chaman na mahram-e-agahi-e-didar-e-khuban hai

sahar gul ha-e-nargis chand chashm-e-kor malte hain

kuja jauhar cha aks-e-khat butan waqt-e-khud arai

dil-e-aina zer-e-pae khail-e-mor malte hain

tamasha-e-bahar aina-e-pardaz-e-tasalli hai

kaf-e-gul barg se pae dil-e-ranjur malte hain

giran jani subuk sar-o-tamasha be dimagh aya

kaf-e-afsos-e-fursat sang-e-koh-e-tur malte hain

asad hairat kash-e-yak dagh-e-mushk andoda hai ya rab

libas-e-shama par itr-e-shab-e-dijaur malte hain