عشق تاثیر سے نومید نہیں

عشق تاثیر سے نومید نہیں

جاں سپاری شجرِ بید نہیں

سلطنت دست بہ دَست آئی ہے

جامِ مے خاتمِ جمشید نہیں

ہے تجلی تری سامانِ وجود

ذرّہ بے پرتوِ خورشید نہیں

رازِ معشوق نہ رسوا ہو جائے

ورنہ مر جانے میں کچھ بھید نہیں

گردشِ رنگِ طرب سے ڈر ہے

غمِ محرومیٔ جاوید نہیں

کہتے ہیں جیتے ہیں اُمّید پہ لوگ

ہم کو جینے کی بھی امّید نہیں

مے کشی کو نہ سمجھ بے حاصل

بادہ غالبؔ عرقِ بید نہیں

ishq tasir se naumid nahin

jan supari shajar-e-baid nahin

saltanat dast ba dast ai hai

jam-e-mai khatam-e-jamshed nahin

hai tajalli tiri saman-e-wajud

zarra-e-be partau-e-khurshid nahin

raz-e-maashuq na ruswa ho jae

warna mar jane mein kuchh bhed nahin

gardish-e-rang-e-tarab se dar hai

gham-e-mahrumi-e-jawed nahin

kahte hain jite hain ummid pe log

ham ko jine ki bhi ummid nahin

mai kashi ko na samajh be hasil

bada ghalib araq-e-baid nahin