کیا ہے ترکِ دنیا کاہلی سے

کیا ہے ترکِ دنیا کاہلی سے

ہمیں حاصل نہیں بے حاصلی سے

خراجِ دیہہِ ویراں یک کفِ خاک

بیاباں خوش ہوں تیری عاملی سے

پر افشاں ہو گئے شعلے ہزاروں

رہے ہم داغ اپنی کاہلی سے

خدا یعنی پدر سے مہرباں تر

پھرے ہم در بدر نا قابلی سے

اسدؔ قربانِ لطفِ جورِ بیدل

خبر لیتے ہیں لیکن بے دلی سے

kya hai tark-e-duniya kahili se

hamen hasil nahin be hasili se

khiraj-e-deha-e-wiran yak kaf-e-khak

bayaban khush hun teri amili se

par afshan ho gae shole hazaron

rahe ham dagh apni kahili se

khuda yaani pidar se mehrban tar

phire ham dar badar na qabili se

asad qurban-e-lutf-e-jaur-e-bedil

khabar lete hain lekin be dili se