گریہ سرشاری شوق بہ بیاباں زدہ ہے

گریہ سرشاری شوق بہ بیاباں زدہ ہے

قطرۂ خونِ جگر چشمکِ طوفاں زدہ ہے

گریہ بے لذّتِ کاوش نہ کرے جراتِ شوق

قطرۂ اشک دل بر صفِ مژگاں زدہ ہے

بے تماشا نہیں جمعیّتِ چشمِ بسمل

مژہ فالِ دو جہاں خوابِ پریشاں زدہ ہے

فرصت آئینہ و پروازِ عدم تا ہستی

یک شرر بالِ دل و دیدہ چراغاں زدہ ہے

نقشِ رنگینیٔ سعیٔ قلمِ مانی ہے

بہ کمر دامنِ صد رنگ گلستان زدہ ہے

درسِ نیرنگ ہے کس موجِ نگہ کا یا رب

غنچہ صد آئینہ زانوئے گلستاں زدہ ہے

سازِ وحشت رقمی ہا کہ بہ اظہارِ اسدؔ

دشت و ریگ آئینۂ صفحۂ افشاں زدہ ہے

girya sarshari shauq ba bayaban zada hai

qatra-e-khun-e-jigar chashmak-e-tufan zada hai

girya be lazzat-e-kawish na kare jurat-e-shauq

qatra-e-ashk dil bar saf-e-mizhgan zada hai

be tamasha nahin jamiyyat-e-chashm-e-bismil

mizha fal-e-do jahan khwab-e-pareshan zada hai

fursat aina-o-parwaz-e-adam ta hasti

yak sharar bal-e-dil-o-dida charaghan zada hai

naqsh-e-rangini-e-sai-e-qalam-e-mani hai

ba kamar daman-e-sad rang gulistan zada hai

dars-e-nairang hai kis mauj-e-nigah ka ya rab

ghuncha sad aina zanu-e-gulistan zada hai

saz-e-wahshat raqami ha ke ba izhar-e-asad

dasht-o-reg aina-e-safha-e-afshan zada hai