فرصت آئینۂ صد رنگِ خود آرائی ہے

فرصت آئینۂ صد رنگِ خود آرائی ہے

روز و شب یک کفِ افسوسِ تماشائی ہے

وحشتِ زخمِ وفا دیکھ کہ سر تا سرِ دل

بخیہ جوں جوہرِ تیغ آفتِ گیرائی ہے

شمع آسا چہ سرِ دعوی و کُو پائے ثبات

گلِ صد شعلہ بہ یک جیبِ شکیبائی ہے

نالہ خونیں ورق و دل گلِ مضمونِ شفق

چمن آرائے نفس وحشتِ تنہائی ہے

بوئے گل فتنۂ بیدار و چمن جامۂ خواب

وصل ہر رنگِ جنوں کسوتِ رسوائی ہے

شرم طوفانِ خزاں رنگِ طرب گاہِ بہار

گلِ مہتاب بہ کف چشمِ تماشائی ہے

شرم طوفانِ خزاں رنگِ طرب گاہِ بہار

ماہتابی بہ کفِ چشمِ تماشائی ہے

باغِ خاموشیٔ دل سے سخنِ عشق اسدؔ

نفسِ سوختہ رمزِ چمن ایمائی ہے

اُگ رہا ہے در و دیوار سے سبزہ غالبؔ

ہم بیاباں میں ہیں اور گھر میں بہار آئی ہے

fursat aina-e-sad rang-e-khud arai hai

roz-o-shab yak kaf-e-afsos-e-tamashai hai

wahshat-e-zakhm-e-wafa dekh ke sar ta sar-e-dil

bakhiya jun jauhar-e-tegh afat-e-girai hai

shama asa cha sar-e-daawa-o-ku pae sabat

gul-e-sad shola ba yak jeb-e-shakebai hai

nala khunin waraq-o-dil gul-e-mazmun-e-shafaq

chaman ara-e-nafas wahshat-e-tanhai hai

bu-e-gul fitna-e-bedar-o-chaman jama-e-khwab

wasl har rang-e-junun kiswat-e-ruswai hai

sharm tufan-e-khizan rang-e-tarab gah-e-bahar

gul-e-mahtab ba kaf chashm-e-tamashai hai

sharm tufan-e-khizan rang-e-tarab gah-e-bahar

mahtabi ba kaf-e-chashm-e-tamashai hai

bagh-e-khamoshi-e-dil se sukhan-e-ishq asad

nafas-e-sokhta ramz-e-chaman imai hai

ug raha hai dar-o-diwar se sabza ghalib

ham bayaban mein hain aur ghar mein bahar ai hai