قتلِ عشاق نہ غفلت کشِ تدبیر آوے

قتلِ عشاق نہ غفلت کشِ تدبیر آوے

یا رب آئینہ بہ طاقِ خمِ شمشیر آوے

بالِ طاؤس ہے رعنائیٔ ضعفِ پرواز

کون ہے داغ کہ شعلے کا عناں گیر آوے

عرضِ حیرانیٔ بیمارِ محبت معلوم

عیسیٰ آخر بہ کفِ آئینہ تصویر آوے

ذوقِ راحت اگر احرامِ تپش ہو جوں شمع

پائے خوابیدہ بہ دل جوئیٔ شبگیر آوے

اُس بیاباں میں گرفتارِ جنوں ہوں کہ جہاں

موجۂ ریگ سے دل پائے بہ زنجیر آوے

وہ گرفتارِ خرابی ہوں کہ فوّارہ نمط

سیل صیادِ کمیں خانۂ تعمیر آوے

سرِ معنی بہ گریبانِ شقِ خامہ اسدؔ

چاکِ دل شانہ کشِ طرّۂ تحریر آوے

qatl-e-ushshaq na ghaflat kash-e-tadbir awe

ya rab aina ba taq-e-kham-e-shamshir awe

bal-e-taus hai raanai-e-zof-e-parwaz

kaun hai dagh ke shole ka inan gir awe

arz-e-hairani-e-bimar-e-mohabbat maalum

isa akhir ba kaf-e-aina taswir awe

zauq-e-rahat agar ehram-e-tapish ho jun shama

pae khwabida ba dil joi-e-shabgir awe

us bayaban mein giraftar-e-junun hun ke jahan

mauja-e-reg se dil pae ba zanjir awe

wo giraftar-e-kharabi hun ke fawwara namat

sail-e-sayyad-e-kamin khana-e-taamir awe

sar-e-maani ba gareban-e-shaqq-e-khama asad

chak-e-dil shana kash-e-turra-e-tahrir awe