جس دم کہ جادہ وار ہو تارِ نفس تمام

جس دم کہ جادہ وار ہو تارِ نفس تمام

پیمائشِ زمینِ رہِ عمر بس تمام

کیا دے صدا کہ الفتِ گم گشتگاں سے آہ

ہے سرمہ گردِ رہ بہ گلوئے جرس تمام

ڈرتا ہوں کوچہ گردیٔ بازارِ عشق سے

ہیں خارِ راہ جوہرِ تیغِ عسس تمام

اے بالِ اضطراب کہاں تک فسردگی

یک پر زدن تپش میں ہے کارِ قفس تمام

گذرا جو آشیاں کا تصور بہ وقتِ بند

مژگانِ چشمِ دام ہوئے خار و خس تمام

کرنے نہ پائے ضعف سے شورِ جنوں اسدؔ

اب کے بہار کا یہیں گزرا برس تمام

jis dam ke jada war ho tar-e-nafas tamam

paimaish-e-zamin-e-rah-e-umr bas tamam

kya de sada ke ulfat-e-gum gashtgan se ah

hai surma gard-e-rah ba galo-e-jaras tamam

darta hun kucha gardi-e-bazar-e-ishq se

hain khar-e-rah jauhar-e-tegh-e-asas tamam

ai bal-e-iztirab kahan tak fasurdagi

yak par zadan tapish mein hai kar-e-qafas tamam

gazra jo ashiyan ka tasawwur ba waqt-e-band

mizhgan-e-chashm-e-dam hue khar-o-khas tamam

karne na pae zof se shor-e-junun asad

ab ke bahar ka yahin guzra baras tamam