دنداں کا خیال چشمِ تر کر

دنداں کا خیال چشمِ تر کر

ہر دانۂ اشک کو گہر کر

آتی نہیں نیند اے شبِ تار

افسانۂ زلفِ یار سر کر

اے دل بہ خیالِ عارض یار

یہ شامِ غم آپ پر سحر کر

ہر چند امیدِ دور تر ہو

اے حوصلے سعیٔ بیشتر کر

میں آپ سے جا چکا ہوں اب بھی

اے بے خبری اسے خبر کر

افسانہ اسدؔ بہ ایں درازی

اے غم زدہ قصہ مختصر کر

dandan ka khayal chashm-e-tar kar

har dana-e-ashk ko guhar kar

ati nahin nind ai shab-e-tar

afsana-e-zulf-e-yar sar kar

ai dil ba khayal-e-ariz-e-yar

ye sham-e-gham ap par sahar kar

har chand ummid-e-dur tar ho

ai hausle sai-e-beshtar kar

main ap se ja chuka hun ab bhi

ai be khabari use khabar kar

afsana asad ba ain darazi

ai gham zada qissa mukhtasar kar