دویدن کے کمیں جوں ریشہ زیرِ زمیں پایا

دویدن کے کمیں جوں ریشہ زیرِ زمیں پایا

بہ گردِ سرمہ اندازِ نگاہِ شرم گیں پایا

اگی اک پنبۂ روزن سے ہی چشم چشمِ سفید آخر

حیا کو انتظارِ جلوہ ریزی کے کمیں پایا

بہ حسرت گاہِ نازِ کشتہ جاں بخشیٔ خوباں

خضر کو چشمۂ آبِ بقا سے تر جبیں پایا

پریشانی سے مغزِ سر ہوا ہے پنبۂ بالش

خیالِ شوخیٔ خوباں کو راحت آفریں پایا

نفس حیرت پرستِ طرزِ ناگیرائیٔ مژگاں

مگر یک دست و دامانِ نگاہِ واپسیں پایا

اسدؔ کو پیچ تابِ طبعِ برق آہنگ مسکن سے

حصارِ شعلہ جوالہ میں عزلت گزیں پایا

dawidin ke kamin jun resha zer-e-zamin paya

ba gard-e-surma andaz-e-nigah-e-sharm gin paya

ugi ik pumba-e-rauzan se hi chashm chashm-e-safed akhir

haya ko intizar-e-jalwa rezi ke kamin paya

ba hasrat gah-e-naz-e-kushta jan bakhshi-e-khuban

khizar ko chashma-e-ab-e-baqa se tar jabin paya

pareshani se maghz-e-sar hua hai pumba-e-balish

khayal-e-shokhi-e-khuban ko rahat afrin paya

nafas hairat parast-e-tarz-e-nagirai-e-mizhgan

magar yak dast-o-daman-e-nigah-e-wapasen paya

asad ko pech tab-e-tab-e-barq ahang masakkin se

hisar-e-shola-e-jawwala mein uzlat guzin paya