نسیمِ صبح جب کنعاں میں بوئے پیرَہن لائی

نسیمِ صبح جب کنعاں میں بوئے پیرَہن لائی

پئے یعقوب ساتھ اپنے نویدِ جان و تن لائی

وقارِ ماتمِ شب زندہ دارِ ہجر رکھنا تھا

سپیدی صبحِ غم کی دوش پر رکھ کر کفن لائی

شہیدِ شیوۂ منصور ہے اندازِ رسوائی

مصیبت پیشگیٔ مدّعا دار و رسن لائی

وفا دامن کشِ پیرایہ و ہستی ہے اے غالبؔ

کہ پھر نزہت گہِ غربت سے تا حدِّ وطن لائی

nasim-e-subh jab kanan mein bu-e-pairahan lai

piye yaaqub sath apne nawed-e-jan-o-tan lai

waqar-e-matam-e-shab zinda dar-e-hijr rakhna tha

sapedi subh-e-gham ki dosh par rakh kar kafan lai

shahid-e-shewa-e-mansur hai andaz-e-ruswai

musibat peshgi-e-muddaa dar-o-rasan lai

wafa daman kash-e-pairaya-o-hasti hai ai ghalib

ke phir nuzhat gah-e-ghurbat se ta had-e-watan lai