یاں اشک جدا گرم ہے اور آہ جدا گرم

یاں اشک جدا گرم ہے اور آہ جدا گرم

حسرت کدہ عشق کی ہے آب و ہوا گرم

اس شعلے نے گلگوں کو جو گلشن میں کیا گرم

پھولوں کو ہوئی باد بہاری وہ ہوا گرم

وا کر سکے یاں کون بہ جز کاوشِ شوخی

جوں برق ہے پیچیدگیٔ بندِ قبا گرم

گر ہے سر دریوزگی جلوہ دیدار

جوں پنجہ خرشید ہو اے دستِ دعا گرم

یہ آتشِ ہمسایہ کہیں گھر نہ جلا دے

کی ہے دلِ سوزاں نے مرے پہلو میں جا گرم

غیروں سے اسے گرمِ سخن دیکھ کے غالبؔ

میں رشک سے جوں آتشِ خاموش رہا گرم

yan ashk juda garm hai aur ah juda garm

hasrat kada ishq ki hai ab-o-hawa garm

is shole ne gulgun ko jo gulshan mein kiya garm

phulon ko hui bad-e-bahari wo hua garm

wa kar sake yan kaun ba juz kawish-e-shokhi

jun barq hai pechidgi-e-band-e-qaba garm

gar hai sar daryuzagi jalwa-e-didar

jun panja-e-khurshid ho ai dast-e-dua garm

ye atish-e-hamsaya kahin ghar na jala de

ki hai dil-e-sozan ne mire pahlu mein ja garm

ghairon se use garm-e-sukhan dekh ke ghalib

main rashk se jun atish-e-khamosh raha garm