تنگ ظرفوں کا رتبہ جہد سے برتر نہیں ہوتا

تنگ ظرفوں کا رتبہ جہد سے برتر نہیں ہوتا

حبابِ مے بہ صد بالیدنی ساغر نہیں ہوتا

عجب اے آبلہ پایانِ صحرائے نظر بازی

کہ تارِ جادۂ رہ رشتۂ گوہر نہیں ہوتا

خوشا عجزے کہ عاشق جل بجھے جوں شعلہ خامُش

کہ کم از سرمہ اس کا مشتِ خاکستر نہیں ہوتا

تماشائے گل و گلشن ہے مفتِ سر بہ جیبی ہا

بہ از چاکِ گریباں گلستاں کا در نہیں ہوتا

نہ رکھ چشمِ حصولِ نفع صحبت ہائے ممسک سے

لبِ خشکِ صدف آبِ گہر سے تر نہیں ہوتا

نہ دیکھا کوئی ہم نے آشیاں بلبل کا گلشن میں

کہ جس کے در پہ غنچہ شکلِ قفلِ زر نہیں ہوتا

صفا کب جمع ہو سکتی ہے غیر از گوشہ گیری ہا

صدف بن قطرہ نیساں اسدؔ گوہر نہیں ہوتا

tang zarfon ka rutba jahd se bartar nahin hota

habab-e-mai ba sad balidini saghar nahin hota

ajab ai abla payan-e-sahra-e-nazar bazi

ke tar-e-jada-e-rah rishta-e-gauhar nahin hota

khusha ajze ke ashiq jal bujhe jun shola khamush

ke kam az surma us ka musht-e-khakistar nahin hota

tamasha-e-gul-o-gulshan hai muft-e-sar ba jebi ha

ba az chak-e-gareban gulsitan ka dar nahin hota

na rakh chashm-e-husul-e-nafa sohbat ha-e-mumsik se

lab-e-khushk-e-sadaf ab-e-guhar se tar nahin hota

na dekha koi ham ne ashiyan bulbul ka gulshan mein

ke jis ke dar pe ghuncha shakl-e-qufl-e-zar nahin hota

safa kab jama ho sakti hai ghair az gosha giri ha

sadaf ban qatra naisan asad gauhar nahin hota