ز بس کہ مشقِ تماشا جنوں علامت ہے

ز بس کہ مشقِ تماشا جنوں علامت ہے

کشاد و بستِ مژہ سیلیٔ ندامت ہے

نہ جانوں کیونکہ مٹے داغِ طعنِ بد عہدی

تجھے کہ آئینہ بھی ورطۂ ملامت ہے

بہ پیچ و تابِ ہوس سِلکِ عافیت مت توڑ

نگاہِ عجز سرِ رشتۂ سلامت ہے

وفا مقابل و دعوائے عشق بے بُنیاد

جنونِ ساختہ و فصلِ گُل قیامت ہے

اسدؔ بہارِ تماشائے گلستانِ حیات

وصالِ لالہ عذارانِ سرو قامت ہے

ze bas ke mashq-e-tamasha junun alamat hai

kushad-o-bast-e-mizha sili-e-nadamat hai

na janun kyunke mite dagh-e-taan-e-bad ahdi

tujhe ke aina bhi wartaha-e-malamat hai

ba pech-o-tab-e-hawas silk-e-afiyat mat tor

nigah-e-ijz sar-e-rishta-e-salamat hai

wafa muqabil-o-daawae ishq-e-be buniyad

junun-e-sakhta-o-fasl-e-gul qayamat hai

asad bahar-e-tamasha-e-gulistan-e-hayat

wisal-e-lala izaran-e-sarw-e-qamat hai