بہ رہنِ شرم ہے با وصفِ شوخی اہتمام اس کا

بہ رہنِ شرم ہے با وصفِ شوخی اہتمام اس کا

نگیں میں جوں شرارِ سنگ نا پیدا ہے نام اس کا

سرو کارِ تواضع تا خمِ گیسو رسانیدن

بسانِ شانہ زینت ریز ہے دستِ سلام اُس کا

مِسی آلودہ ہے مُہر نوازش نامہ ظاہر ہے

کہ داغِ آرزوئے بوسہ دیتا ہے پیام اس کا

بہ امیّدِ نگاہِ خاص ہوں محمل کشِ حسرت

مبادا ہو عناں گیرِ تغافل لطفِ عام اس کا

لڑاوے گر وہ بزمِ مے کشی میں قہر و شفقت کو

بھرے پیمانۂ صد زندگانی ایک جام اُس کا

اسدؔ سودائے سر سبزی سے ہے تسلیم رنگیں تر

کہ کشتِ خشک اُس کا ابرِ بے پروا خرام اُس کا

ba rahan-e-sharm hai ba wasf-e-shokhi ehtimam us ka

nagin mein jun sharar-e-sang na paida hai nam us ka

sarw kar-e-tawazo ta kham-e-gesu rusanidin

basan-e-shana zinat rez hai dast-e-salam us ka

missi aluda hai mehr-e-nawazish nama zahir hai

ke dagh-e-arzu-e-bosa deta hai payam us ka

ba ummid-e-nigah-e-khas hun mahmil kash-e-hasrat

mabada ho inan gir-e-taghaful lutf-e-am us ka

larawe gar wo bazm-e-mai kashi mein qahr-o-shafqat ko

bhare paimana-e-sad zindagani ek jam us ka

asad sauda-e-sar sabzi se hai taslim rangin tar

ke kisht-e-khushk us ka abr-e-be parwa khiram us ka