بسانِ جوہرِ آئینہ از ویرانیٔ دل ہا

بسانِ جوہرِ آئینہ از ویرانیٔ دل ہا

غبارِ کوچہ ہائے موج ہے خاشاکِ ساحل ہا

نگہ کی ہم نے پیدا رشتۂ ربطِ علائق سے

ہوئے ہیں پردہ ہائے چشمِ عبرت جلوہ حائل ہا

نہیں ہے باوجودِ ضعف سیرِ بے خودی آساں

رہِ خوابیدہ میں افگندنی ہے طرحِ منزل ہا

غریبی بہرِ تسکینِ ہوس درکار ہے ورنہ

بہ وہمِ زرگرہ میں باندھتے ہیں برقِ حاصل ہا

تماشا کردنی ہے انتظار آبادِ حیرانی

نہیں غیر از نگہ جوں نرگسستاں فرشِ محفل ہا

اسد تارِ نفس ہے نا گزیرِ عقدہ پیرائی

بہ نوکِ ناخنِ شمشیر کیجیے حلِ مشکل ہا

basan-e-jauhar-e-aina az wirani-e-dil ha

ghubar-e-kucha ha-e-mauj hai khashak-e-sahil ha

nigah ki ham ne paida rishta-e-rabt-e-alaiq se

hue hain parda ha-e-chashm-e-ibrat jalwa hail ha

nahin hai bawajud-e-zof sair-e-be khudi asan

rah-e-khwabida mein afgandini hai tarah-e-manzil ha

gharibi bahr-e-taskin-e-hawas darkar hai warna

ba wahm-e-zargirah mein bandhte hain barq-e-hasil ha

tamasha kardini hai intizar abad-e-hairani

nahin ghair az nigah jun nargissitan farsh-e-mahfil ha

asad tar-e-nafas hai na guzir-e-uqda pairai

ba nok-e-nakhun-e-shamshir kijiye hal-e-mushkil ha