کس کی برقِ شوخیٔ رفتار کا دلدادہ ہے

کس کی برقِ شوخیٔ رفتار کا دلدادہ ہے

ذرّہ ذرّہ اس جہاں کا اضطراب آمادہ ہے

ہے غرورِ سرکشی صورت نمائے عجز بھی

منقلب ہو کر بسانِ نقشِ پا افتادہ ہے

خانہ ویراں سازیٔ عشقِ جفا پیشہ نہ پوچھ

نامرادوں کا خطِ تقدیر تک بھی سادہ ہے

خود نشاط و سرخوشی ہے آمدِ فصلِ بہار

آج ہر سیلِ رواں عالم میں موجِ بادہ ہے

زندگانی رہروِ راہِ فنا ہے اے اسدؔ

ہر نفس ہستی سے تا ملکِ عدم اک جادہ ہے

kis ki barq-e-shokhi-e-raftar ka dildada hai

zarra zarra is jahan ka iztirab amada hai

hai ghurur-e-sarkashi surat nimae ijz bhi

munqalib ho kar basan-e-naqsh-e-pa uftada hai

khana wiran sazi-e-ishq-e-jafa pesha na puchh

namuradon ka khat-e-taqdir tak bhi sada hai

khud nishat-o-surkhwashi hai amad-e-fasl-e-bahar

aj har sail-e-rawan alam mein mauj-e-bada hai

zindagani rahrau-e-rah-e-fana hai ai asad

har nafas hasti se ta mulk-e-adam ik jada hai