خوشا طوطی و کنجِ آشیانہ

خوشا طوطی و کنجِ آشیانہ

نہاں در زیرِ بال آئینہ خانہ

سرشکِ بر زمیں افتادہ آسا

اٹھا یاں سے نہ میرا آب و دانہ

حریفِ عرضِ سوزِ دل نہیں ہے

زباں ہر چند ہو جاوے زبانہ

دلِ نالاں سے ہے بے پردہ پیدا

نوائے بربط و چنگ و چغانہ

کرے کیا دعویٔ آزادیٔ عشق

گرفتارِ الم ہائے زمانہ

اسدؔ اندیشہ ششدر شدن ہے

نہ پھریے مہرہ ساں خانہ بہ خانہ

khusha tuti-o-kunj-e-ashiyana

nihan dar zer-e-bal aina khana

sarishk-e-bar zamin uftada asa

utha yan se na mera ab-o-dana

harif-e-arz-e-soz-e-dil nahin hai

zaban har chand ho jawe zubana

dil-e-nalan se hai be parda paida

nawa-e-barbat-o-chang-o-chughana

kare kya daawa-e-azadi-e-ishq

giraftar-e-alam ha-e-zamana

asad andesha shashdar shadan hai

na phiriye mohra san khana ba khana