مبادا بے تکلف فصل کا برگ و نوا گم ہو

مبادا بے تکلف فصل کا برگ و نوا گم ہو

مگر طوفانِ مے میں پیچشِ موجِ صبا گم ہو

سبب وارستگاں کو ننگِ ہمت ہے خداوندا

اثر سرمے سے اور لب ہائے عاشق سے صدا گم ہو

نہیں جز درد تسکینِ نکوہش ہائے بے درداں

کہ موجِ گریہ میں صد خندۂ دنداں نما گم ہو

ہوئی ہے ناتوانی بے دماغِ شوخیٔ مطلب

فرو ہوتا ہے سر سجدے میں اے دست دعا گم ہو

تجھے ہم مفت دیویں یک جہاں چینِ جبیں لیکن

مباد اے پیچ تابِ طبع نقشِ مدّعا گم ہو

بلا گردانِ تمکینِ بتاں صد موجۂ گوہر

عرق بھی جن کے عارض پر بہ تکلیفِ حیا گم ہو

اُٹھا وے کب وہ جانِ شرم تہمت قتلِ عاشق کی

کہ جس کے ہاتھ میں مانندِ خوں رنگِ حنا گم ہو

کریں خوباں جو سیرِ حسن اسدؔ یک پردہ نازک تر

دمِ صبحِ قیامت در گریبانِ قبا گم ہو

mabada be takalluf fasl ka barg-o-nawa gum ho

magar tufan-e-mai mein pechish-e-mauj-e-saba gum ho

sabab warsatgan ko nang-e-himmat hai khadaonda

asar surme se aur lab ha-e-ashiq se sada gum ho

nahin juz dard taskin-e-nakohish ha-e-be dardan

ke mauj-e-girya mein sad khanda-e-dandan numa gum ho

hui hai natawani be dimagh-e-shokhi-e-matlab

faro hota hai sar sajde mein ai dast-e-dua gum ho

tujhe ham muft dewen yak jahan chain-e-jabin lekin

mubad ai pech tab-e-tab-e-naqsh-e-muddaa gum ho

bala gardan-e-tamkin-e-butan sad mauja-e-gauhar

araq bhi jin ke ariz par ba taklif-e-haya gum ho

utha we kab wo jan-e-sharm tohmat qatl-e-ashiq ki

ke jis ke hath mein manind-e-khun rang-e-hina gum ho

karen khuban jo sair-e-husn asad yak parda nazuk tar

dam-e-subh-e-qayamat dar gareban-e-qaba gum ho