وردِ اسمِ حق سے دیدارِ صنم حاصل ہوا

وردِ اسمِ حق سے دیدارِ صنم حاصل ہوا

رشتۂ تسبیح تارِ جادۂ منزل ہوا

محتسب سے تنگ ہے از بس کہ کارِ مے کشاں

رز میں جو انگور نکلا عقدۂ مشکل ہوا

قیس نے از بس کہ کی سیرِ گریبانِ نفس

یک دو چیں دامانِ صحرا پردۂ محمل ہوا

وقتِ شب اُس شمع رو کے شعلۂ آواز پر

گوشِ نسریں عارضاں پروانۂ محفل ہوا

خاکِ عاشق بس کہ ہے فرسودہ پروازِ شوق

جادہ ہر دشت تارِ دامنِ قاتل ہوا

عیب کا دریافت کرنا ہے ہنرمندی اسدؔ

نقص پر اپنے ہوا جو مطلعِ کامل ہوا

wird-e-ism-e-haq se didar-e-sanam hasil hua

rishta-e-tasbih tar-e-jada-e-manzil hua

mohtasib se tang hai az bas ke kar-e-mai kashan

raz mein jo angur nikla uqda-e-mushkil hua

qais ne az bas ke ki sair-e-gareban-e-nafas

yak do chin daman-e-sahra parda-e-mahmil hua

waqt-e-shab us shama ro ke shola-e-awaz par

gosh-e-nasrain arizan parwana-e-mahfil hua

khak-e-ashiq bas ke hai farsuda parwaz-e-shauq

jada har dasht-e-tar-e-daman-e-qatil hua

aib ka daryaft karna hai hunarmandi asad

naqs par apne hua jo matla-e-kamil hua