تر جبیں رکھتی ہے شرمِ قطرہ سامانی مجھے

تر جبیں رکھتی ہے شرمِ قطرہ سامانی مجھے

موجِ گردابِ حیا ہے چینِ پیشانی مجھے

شبنم آسا کُو مجالِ سبحہ گردانی مجھے

ہے شعاعِ مہر زنارِ سلیمانی مجھے

بلبلِ تصویر ہوں بے تابِ اظہارِ تپش

جنبشِ نالِ قلم جوشِ پریشانی مجھے

ضبطِ سوزِ دل ہے وجہِ حیرتِ اظہارِ حال

داغ ہے مُہرِ دہن جوں چشمِ قربانی مجھے

شوخ ہے مثلِ حباب از خویش بیروں آمدن

ہے گریباں گیرِ فرصت ذوقِ عریانی مجھے

وا کیا ہرگز نہ میرا عقدۂ تارِ نفس

ناخنِ بریدہ ہے تیغِ صفاہانی مجھے

ہوں ہیولائے دو عالم صورتِ تقریر اسدؔ

فکر نے سونپی خموشی کی گریبانی مجھے

tar jabin rakhti hai sharm-e-qatra samani mujhe

mauj-e-girdab-e-haya hai chain-e-peshani mujhe

shabnam asa ku majal-e-subha gardani mujhe

hai shua-e-mehr zunnar-e-sulaimani mujhe

bulbul-e-taswir hun be tab-e-izhar-e-tapish

jumbish-e-nal-e-qalam josh-e-pareshani mujhe

zabt-e-soz-e-dil hai wajh-e-hairat-e-izhar-e-hal

dagh hai mehr-e-dahan jun chashm-e-qurbani mujhe

shokh hai misl-e-habab az khwesh berun amdan

hai gareban gir-e-fursat zauq-e-uryani mujhe

wa kiya hargiz na mera uqda-e-tar-e-nafas

nakhun-e-burida hai tegh-e-safahani mujhe

hun haiwlae do alam surat-e-taqrir asad

fikr ne saunpi khamoshi ki garebani mujhe