حسنِ خود آرا کو ہے مشقِ تغافل ہنوز

حسنِ خود آرا کو ہے مشقِ تغافل ہنوز

ہے کفِ مشاطہ میں آئینۂ گل ہنوز

سادگیٔ یک خیال شوخیٔ صد رنگ نقش

حیرتِ آئینہ ہے جیبِ تامل ہنوز

سادہ و پرکار تر غافل و ہشیار تر

مانگے ہے شمشاد سے شانۂ سنبل ہنوز

ساقی و تعلیمِ رنج محفل و تمکیں گراں

سیلیٔ استاد ہے ساغرِ بے مُل ہنوز

شغلِ ہوس در نظر لیک حیا بے خبر

شاخِ گلِ نغمہ ہے نالۂ بلبل ہنوز

دل کی صدائے شکست سازِ طرب ہے اسدؔ

شیشۂ بے بادہ سے چاہے ہے قلقل ہنوز

husn-e-khud ara ko hai mashq-e-taghaful hanoz

hai kaf-e-mashshata mein aina-e-gul hanoz

sadgi-e-yak khayal-e-shokhi-e-sad rang naqsh

hairat-e-aina hai jeb-e-taammul hanoz

sada-o-parkar tar ghafil-o-hushyar tar

mange hai shamshad se shana-e-sumbul hanoz

saqi-o-taalim-e-ranj mahfil-o-tamkin giran

sili-e-ustad hai saghar-e-be mul hanoz

shaghl-e-hawas dar nazar lek haya be khabar

shakh-e-gul-e-naghma hai nala-e-bulbul hanoz

dil ki sada-e-shikast-e-saz-e-tarab hai asad

shisha-e-be bada se chahe hai qulqul hanoz