Arooz is now on the App Store, for iPhone and iPad. Download →

All poetry

بے خود زِ بس خاطرِ بے تاب ہو گئی

Mirza Ghalib (1797–1869)

بے خود زِ بس خاطرِ بے تاب ہو گئی

مژگانِ باز ماندہ رگِ خواب ہو گئی

موجِ تبسمِ لب آلودۂ مسی

میرے لیے تو تیغِ سیہ تاب ہو گئی

رخسارِ یار کی جو کھلی جلوہ گستری

زلفِ سیاہ بھی شبِ مہتاب ہو گئی

بیدادِ انتظار کی طاقت نہ لا سکی

اے جانِ بر لب آمدہ بے تاب ہو گئی

غالؔب زِ بس کہ سوکھ گئے چشم میں سرشک

آنسو کی بوند گوہرِ نایاب ہو گئی