کاوشِ دزدِ حنا پوشیدہ افسوں ہے مجھے

کاوشِ دزدِ حنا پوشیدہ افسوں ہے مجھے

ناخنِ انگشتِ خوباں لعلِ واژوں ہے مجھے

ریشۂ شہرت دوانیدن ہے رفتن زیرِ خاک

خنجرِ جلاد برگِ بیدِ مجنوں ہے مجھے

ساقیا دے ایک ہی ساغر میں سب کو مے کہ آج

آرزوئے بوسۂ لب ہائے مے گوں ہے مجھے

ہو گئے باہم دگر جوشِ پریشانی سے جمع

گردشِ جامِ تمنا دورِ گردوں ہے مجھے

دیکھ لی جوشِ جوانی کی ترقّی بھی کہ اب

بدر کے مانند کاہش روز افزوں ہے مجھے

غنچگی ہے بر نفس پیچیدنِ فکر اے اسدؔ

وا شگفتن ہائے دل در رہنِ مضموں ہے مجھے

kawish-e-duzd-e-hina poshida afsun hai mujhe

nakhun-e-angishat-e-khuban laal-e-wazhaun hai mujhe

resha-e-shohrat dawanidin hai raftan zer-e-khak

khanjar-e-jallad barg-e-baid-e-majnun hai mujhe

saqiya de ek hi saghar mein sab ko mai ke aj

arzu-e-bosa-e-lab ha-e-mai gun hai mujhe

ho gae baham digar josh-e-pareshani se jama

gardish-e-jam-e-tamanna daur-e-gardun hai mujhe

dekh li josh-e-jawani ki taraqqi bhi ke ab

badr ke manind kahish roz afzun hai mujhe

ghunchagi hai bar nafas pechidin-e-fikr ai asad

wa shagfatan hae dil dar rahan-e-mazmun hai mujhe