بدر ہے آئینۂ طاقِ ہلال — مرزا غالب (Mirza Ghalib)

بدر ہے آئینۂ طاقِ ہلال

غافلاں نقصان سے پیدا ہے کمال

ہے بہ یادِ زلفِ مشکیں سال و ماہ

روزِ روشن شامِ آں سوئے خیال

بس کہ ہے اصلِ دمیدن ہا غبار

ہے نہالِ شکوہ ریحانِ سفال

صافیٔ رخ سے ترے ہنگامِ شب

عکسِ داغِ مہ ہوا عارض پہ خال

نور سے تیرے ہے اس کی روشنی

ورنہ ہے خورشید یک دستِ سوال

شورِ حشر اُس فتنہ قامت کے حضور

سایہ آسا ہو گیا ہے پائمال

ہو جو بلبل پیروِ فکرِ اسد

غنچۂ منقارِ گُل ہو زیرِ بال