خاقانی

'وہ صاحب 'تحفہ العراقین

ارباب نظر کا قرہ العین

ہے پردہ شگاف اس کا ادراک

پردے ہیں تمام چاک در چاک

خاموش ہے عالم معانی

!کہتا نہیں حرف 'لن ترانی'

پوچھ اس سے یہ خاک داں ہے کیا چیز

ہنگامہ این و آں ہے کیا چیز

وہ محرم عالم مکافات

اک بات میں کہہ گیا ہے سو بات

خود بوے چنیں جہاں تواں برد ''

''!کابلیس بماند و بوالبشر مرد

'wo sahab 'tohfa alaaraqen

arbab-e-nazar ka qurra alain

hai parda shigaf us ka idrak

parde hain tamam chak dar chak

khamosh hai alam-e-maani

!kahta nahin harf 'lan tarani'

puchh us se ye khak dan hai kya chiz

hangama-e-ain-o-an hai kya chiz

wo mahram-e-alam-e-mukafat

ik bat mein kah gaya hai so bat

khud bue chunen jahan tawan bard ''

''!kables bamanad-o-bualbashar mard