سرود

آیا کہاں سے نالہ نے میں سرود مے

اصل اس کی نے نواز کا دل ہے کہ چوب نے

دل کیا ہے ، اس کی مستی و قوت کہاں سے ہے

کیوں اس کی اک نگاہ الٹتی ہے تخت کے

کیوں اس کی زندگی سے ہے اقوام میں حیات

کیوں اس کے واردات بدلتے ہیں پے بہ پے

کیا بات ہے کہ صاحب دل کی نگاہ میں

جچتی نہیں ہے سلطنت روم و شام و رے

جس روز دل کی رمز مغنی سمجھ گیا

سمجھو تمام مرحلہ ہائے ہنر ہیں طے

aya kahan se nala ne main surud-e-mai

asl us ki ne nawaz ka dil hai ke chob ne

dil kya hai, us ki masti-o-quwwat kahan se hai

kyun us ki ik nigah ulatti hai takht ke

kyun us ki zindagi se hai aqwam mein hayat

kyun us ke wardat badalte hain pe ba pe

kya bat hai ke sahab-e-dil ki nigah mein

jachti nahin hai saltanat-e-rom-o-sham-o-re

jis roz-e-dil ki ramz mughanni samajh gaya

samjho tamam marhala ha-e-hunar hain tai